Која е сопругата на Гвардиола: Се сакаат уште од тинејџерските денови, таа преживеа терористички напад со своите деца
Пеп Гвардиола беше прогласен за најдобар тренер во светот во 2023 година. Славниот Шпанец минатата година со Манчестер Сити ги освои Лигата на шампионите, англиската лига и купот, а наградата ја доби на гала вечера во Лондон. Со него беше неговата најголема поддржувачка, сопругата Кристина Сера.
Зад секој голем европски тренер стои силна жена. Тренерот на Манчестер Сити, Пеп Гвардиола уште од тинејџерските години е со истата жена, а ја запросил многу години откако првпат се сретнале.
Бразилската новинарка и писателка Кристина Сера беше позната како најубава манекенка, со извонредни договори со неколку странски компании, но по раѓањето на нејзините деца објави дека нема да се врати во модната индустрија бидејќи желбата на нејзиниот сопруг е да ги одгледува нивните деца.
Имаат блиска врска без скандали – не се пишувало за неговите прељуби, туку за тоа дека е многу посветен на сопругата. Шпанскиот весник Newspapers Reports објави дека на почетокот на 2010 година, Сера инсистирала нејзиниот сопруг да се повлече од тренерската работа за да може да поминува повеќе време со семејството и да ги гледа неговите деца како растат, што го потврди и самиот Гвардиола.
Тие се запознале во продавница за облека во Барселона кога Гвардиола имал 18 години. Нејзиното семејство е сопственик на продавницата Сера Кларет во Барселона, каде што поранешниот фудбалер сними рекламна кампања за дизајнерот Антонио Миро. Потоа ја видел младата Кристина и по извесно време почнале да се гледаат. Тие се венчаа дури во 2014 година, а во меѓувреме ги добија ќерките Марија и Валентина и синот Мариус.
Инаку, Сера е стилист и експерт за модни трендови.
– Мојата сопруга често го критикува мојот избор на тактика во Баерн. Постојано ми вели дека е неопходно да се задржи тимот кој победи на претходниот натпревар. И понекогаш ми треба повеќе време да и објаснам зошто се одлучив за решение отколку да му објаснам на Робен зошто не е на теренот, изјави еднаш тренерот. Тие се трудат да ја зачуваат својата приватност, а најчесто успеваат затоа што водат мирен семеен живот.
Семејството на Гвардиола беше во центарот на вниманието на јавноста во 2017 година, кога Кристина и нејзините ќерки беа на концертот на Аријана Гранде во Манчестер, каде бил извршен терористички напад и биле убиени 22 лица.
