Кралицата Ранија: Толку убава комбинација создадена за романтични жени

Кралицата Ранија од Јордан и кралот Абдула Втори заминаа во официјална посета на Јапонија. На оваа кралска турнеја им се придружи и нивниот син, принцот Хусеин, идниот крал на Јордан кој се повеќе учествува во службените обврски на неговите родители.

Во текот на првиот ден од посетата, сите тројца се сретнаа со јапонскиот цар Нарухито и царицата Масако , а потоа кралицата Ранија и Масако одржаа самостален состанок..

Ранија каде и да се појави едноставно доминира на моден план, а оваа прилика не беше исклучок. Кралицата на Јордан блесна во комплет на австралискиот моден бренд Zimmermann од нивната ресорт колекција од 2023 година .

Блузата и долгото здолниште во прекрасна јоргована нијанса се украсени со ефектни цветни апликации, а Ранија реши да направи минимални промени во однос на оригиналниот дизајн на овие парчиња.

Имено, блузата првично била украсена со апликации на пределот на јаката, но Ранија ги отстранила и ги оставила само оние на ракавите.

Елегантните, романтични и нежни парчиња ги комбинираше со блескавите салонки на модната куќа Диор , кои веќе ги носеше и чантата Габриела Херст , која е новитет во нејзината гардероба.