Кристијано Роналдо нуди соби во својот хотел на жртвите од земјотресот во Мароко

КРИСТИЈАНО РОНАЛДО го понуди својот хотел во Маракеш на сите оние кои ги загубија своите домови во земјотресот во Мароко. Португалскиот фудбалер, пренесува Marca, рекол дека секој на кој му треба привремено засолниште може да престојува во неговиот хотел. Хотелот се наоѓа на периферијата на Маракеш и има четири ѕвезди.

Страшен земјотрес во Мароко се случи ноќта од петокот кон саботата. Однесе повеќе од 1.300 животи, додека 1.200 луѓе се во критична состојба. Сè уште се пребројуваат жртвите, а нивниот биланс расте од час во час. Материјалната штета е огромна и голем број луѓе останаа без своите куќи и станови.