КЛУЧНИ ТОЧКИ НА УБИСТВОТО НА ДАНКА ИЛИЌ Убијците со автомобилот ја удриле на 30 метри од куќата, па се упатиле кон депонијата: Се ослободиле од телото за помалку од 2 минути!
Данка Илиќ е убиена на 30-40 метри од дворот од куќата каде последен пат ја видела нејзината мајка. Убијците ја удриле со автомобил, а потоа се упатиле кон депонијата на Старобањски пaт, каде што го отстраниле телото. „Блиц“ ви ги пренесува клучните точки од убиството на Данка Илиќ.
Двегодишното девојче пред точно 10 дена излегло од дворот каде си играла со мајка си и братот. Таа се движела по асфалтот што води од куќата кога наишле и ја удриле Дејан Драгијевиќ и Срѓан Јанковиќ работници на ЈКП „Водовод“ Бор.
Девојчето било убиено пред куќата
– Во периодот од 13:45 часот до 15.52 часот Данка го напуштила дворот и отишла по асфалтот како што потврдија двајца очевидци. Околу 13 часот и 50 минути мајката барајќи го детето здогледала бел автомобил и маж како стои до него, за што подоцна, при истрагата, се испоставило дека е возилото „фиат панда“, во кое се наоѓале осомничените С.Ј. и Д. Д . – рекол началникот на полицијата Братислав Гашиќ.
Како што кажал еден од осомничените, требало да ја проверат шахтата лоцирана на улицата Озренска , која е недалеку од местото каде последен пат била видена Данка Илиќ .
Гашиќ рече дека автомобилот го снимила камера од улицата каде исчезна девојчето и се испоставило дека се движело од споредната улица во 13 часот и 35 минути, а подоцна било снимено дека застанал на капијата од куќата во 13:50 часот , што се поклопува со времето на исчезнувањето на малата Данка.
– Возилото во кое се наоѓале С.Ј. и Д.Д. било пред капијата две и пол минути, а според изјавата на осомничениот таму застанале бидејќи имале потреба од тоалет. Потоа, кога тргнале, го удриле девојчето на 30 до 40 метри од местото каде што застанале – рекол Гашиќ.
Возеле до блиската депонија
Како што додаде, по излегувањето од Бањско поле во 14 часот се упатиле по патот Старо Бањско.
Растојанието меѓу депонијата и местото каде што е убиено девојчето е 5 минути со автомобил. Началникот на полицијата изјави дека убијците на депонијата се задржале минута и 49 секунди!
Го зеле детето и го фрлиле на место каде имало куп ѓубре!
Полицискиот министер Братислав Гашиќ посочи дека два дена по убиството, убијците го префрлиле телото на Данка на друга локација .
Жандармеријата го прекопала плацот на убијците
Жандармеријата изврши претрес во селото во кое живее осомничениот Срѓан Јанковиќ.
Како што јави репортерот на „Блиц“ од местото на настанот, откако го ископале плацот сопственост на сувозачот Срѓан Јанковиќ, инспекторите со себе го зеле и неговиот татко.
Таткото на Срѓан Јанковиќ ја однел жандармеријата кај селото Лука, каде се сомневаат дека е фрлено телото на Данка Илиќ. Жандармеријата извршила претрес и во колибата на семејството Јанковиќ.
На автомобилот биле пронајдени траги од крв..
