Ледено во Австрија: Во некои делови температурата е пониска од -25 степени

По саботниот снег и сообраќаен хаос во поголемиот дел од Австрија, вклучително и Виена, денеска температурите на воздухот се екстремно ниски во оваа алпска земја.

Поларниот студ, меѓу другото, го зафати и северот на Австрија, каде утрово е забележана најниска температура од -25,4 степени Целзиусови, јавуваат австриските медиуми. Станува збор за местото Гугу во општина Либенау.

Но, и другите делови на Австрија беа погодени од обилен снег, силен ветер и екстремен студ. Според пишувањата на медиумите, утрово најстудено било во сојузната покраина Долна Австрија, која се граничи со покраината и градот Виена.

Во Виена е забележано – 9, со студен ветер, кој често дува во главниот град на Австрија. Покрај сообраќајни несреќи, поради ниските температури, имало и прекини во јавниот превоз, пишува Вечерњи лист .