Лекар предупредува дека пијалокот кој го пијат милиони луѓе може да предизвикаат ќелавост

Пијалоците што ги консумираат милиони може да предизвикаат опаѓање на косата, предупреди д-р Абдулазиз Балви за British Express. Тој вели дека консумирањето неколку енергетски пијалоци неделно може да го зголеми ризикот од ќелавост.

„Одредени хемикалии во енергетските пијалоци се виновни. Кога се земаат прекумерно, одредени елементи како што се кофеинот и селенот можат да станат токсични. Селенот и витаминот А се токсични за косата кога се земаат во високи дози, а исто така може да предизвикаат алопеција“, објасни тој.

Некои енергетски пијалоци може да содржат 113 отсто од препорачаниот внес на витамин А, 100 отсто селен и до 150 милиграми кофеин, што е речиси двојно повеќе од црното кафе.

Зашеќерените пијалоци го зголемуваат ризикот и од други состојби

,,Прекумерната потрошувачка на енергетски пијалоци е поврзана со зголемување на катехоламините и хормоните на стресот. Затоа, енергетските производи може да се сметаат за фактор на ризик за дијабетес и метаболички проблеми, а може да предизвикаат и губење на косата”, додаде тој.

Тој посочува дека проблем се и слатките пијалоци кои содржат засладувач од пченка, сируп од пченка, декстроза, фруктоза, гликоза, пченкарен сируп со висока фруктоза, мед, лактоза, сируп од слад, малтоза, меласа, суров шеќер и сахароза.

„Потрошувачката на премногу засладени пијалоци е поврзана и со здравствени проблеми, како што се зголемување на телесната тежина, дебелина, дијабетес тип 2, срцеви заболувања, бубрежна дисфункција, безалкохолна цироза на црниот дроб, расипување на забите, артритис и гихт“, предупреди тој.

Студијата објавена во списанието Nutrients во 2023 година открила врска помеѓу пијалоците засладени со шеќер, вклучително и енергетските пијалоци, и губењето на косата кај мажите. Откриено е дека мажите на возраст меѓу 18 и 45 години се изложени на поголем ризик од машка ќелавост доколку редовно консумираат пијалоци засладени со шеќер.