Луѓето на Вучиќ ги “бркаат” по улици – Нападнат Драган Вучичевиќ: Поранешниот фудбалски репрезентативец со грозоморни закани го нападнал уредникот на Информер (ФОТО)

Нападот бил пријавен во полиција.
Поранешен фудбалер вчера вечер го нападнал главниот уредник на Информер, Драган Ј. Вучиќевиќ! Вучиќевиќ бил нападнат во градината на едно кафуле на Баново Брдо.

Се најдов со мојот архитект во градината во кафулето. Келнерот сè уште не беше дојден на нашата маса кога тој истрча од кафулето. Бил видно пијан. Ми се внесе в лице и почна да ми вика: Ја изневери Србија, куче едно! Ми се закануваше, ја пцуеше мајка ми, најстрашно ме навредуваше. Кога го зедов телефонот да го снимам, тој се обиде да ми го украде телефонот и продолжи да ме навредува и да ми се заканува на најстрашен начин викајќи: Ќе те убијам го*но едно! – вели Вучиќевиќ.

Тој истакнува дека на поранешниот фудбалер му рекол дека ќе повика полиција.

Му реков дека ќе повикам полиција, а тој само полуде и почна уште погласно да вика, да ми се заканува и да ми кажува дека ќе ме убие . Викаше „ќе те убијам го*мно едно“, се извинувам за изразот.

Вучиќевиќ објаснува дека по инцидентот се преселил во друго кафуле со својот пријател.

Отидов со мојот пријател во друго кафуле и повикав полиција. На никаков начин не го испровоцирав споменатиот господин, ниту збор не му кажав. Мислам дека тоа е последица на најголемата медиумска хајка што се прави против сите кои не се согласуваат со организаторите на прозападните протести. Тие ја водат најстрашната медиумска хајка против сите нас и ова е резултатот од тоа. Последниве неколку месеци преку Инстаграм и други мрежи се упатуваа а и тој упатуваше закани и лаги до мене и моето семејство, а можете да видите како тоа лесно од интернет се претвора во реалност. Пак велам, беше видно пијан, но тоа не го оправдува. Мислам дека ова кафуле има видео надзор, има и сведоци, па што да правиме, мора да се бориме против такво насилство. Само се прашувам што ќе се случеше ако нападнев некого таков, ова е недозволиво и од една и од друга страна, ова едноставно не смее да се случи – изјави Вучиќевиќ.