Маж убил жена затоа што абортирала: Не можел да престане да пука во неа! (ВИДЕО)

Маж од Тексас убил девојка бидејќи дознал дека абортирала во Колорадо.

Харолд Томпсон (22) ја застрелал Габриела Гонзалес (26) на паркинг, веднаш откако таа се спротивставила на неговиот обид да ја задави. Инаку, Тексас ги забрани абортусите по шест недели бременост во септември 2021 година.

Убиената девојка во средата се нашла со нејзиното момче на паркинг во Далас. Таа се вратила од Колорадо претходната вечер.

„Се верува дека осомничениот бил татко на детето. Осомничениот не сакал (Гонзалес) да абортира“, велат од полицијата.

Има и снимки од надзорните камери од паркингот, пишува The Guardian.

На видеото се гледа како Томпсон вади пиштол и ѝ пука на девојката во глава. Гонзалес потоа паѓа на земја и Томпсон пука во неа неколку пати пред да побегне од местото на настанот. Тој беше уапсен подоцна истиот ден и се наоѓа во затвор во Далас без кауција.

На местото на настанот била и сестрата на убиената, која слушнала пукање. Друг сведок видел дека Томпсон се обидувал да ја задави Гонзалес, а таа не можела да повика полиција бидејќи немала мобилен телефон. Во моментот на убиството, Томпсон веќе се соочуваше со обвинение за напад на член на семејството.