Македонец ја напушта Германија и се враќа дома: „Таму се се гледа преку пари, а тука малку заработуваме, но сме среќни“
Македонецот Орхан Мусевски реши да го напушти животот што го изгради во Германија и да се врати во татковината. Како што истакна, трошоците се зголемуваат, а од платата не може да заштеди ни 100 евра.
Кога ќе ми одземат 600 евра данок од платата, ми остануваат 1.500 евра, а уште 600 евра одат само во просторијата од 15 квадрати. Зимно време поради зголемени трошоци за парно, станоиздавачот бара 650 евра, а кога дојдов јас платив 350 евра за такво сместување. Потоа почна војната во Украина, се поскапе и сега не можам да издвојам ни 100 евра – вели Орхан Мусевски.
Како што истакна, бил многу посреќен во својата земја.
– Овие две години во Германија ми одзедоа пет години од животот. Воопшто не ми се допаѓа системот на живот овде. Климата е подобра во Македонија, луѓе, јас бев посреќен, позадоволен во мојата земја. Заработуваш 400-500 евра, ама сите се порасположени од овде, насмеани. Но, секаде во нашата област е всушност подобро. Хрватите, Босанците, Србите, Црногорците се исто така добри луѓе, отворени, поврзани, срдечни, веруваат во Господ… Овде ретко се среќаваат искрени насмевки, а се верува само на пари – рече тој.
Сепак, и на Германците не им е лесно.
– Ниту на многу Германци не им е лесно, но за некој како мене се резервирани најлошите работни места од кои нема шанси, како во минатото, да се смират, да купат стан или нов автомобил – истакна тој.
Орхан имал здравствени проблеми кои навреме ги решил. Како што истакна, скапите инјекции не ги платил од свој џеб и за тоа е благодарен, но и онака му е доста од Германија.
– Наскоро ќе се вратам на нашиот Балкан, во мојата Македонија. Таму и цвеќињата различно мирисаат… – носталгичниот Орхан, кој не го запозна Берлин иако е во тој град повеќе од две години.
– Многу се работи, осум и пол часа сум на работа, а работам главно со луѓе од Албанија, Нигерија, Индија… Постојано сме под камери за да не седне некој случајно. До станот патувам повеќе од еден час, кујната и бањата ги делам со четворица наши луѓе, од Македонија, Хрватска и Србија и сите се исти како мене. Дома ни ја прикажуваат телевизијата само негативното и верувавме дека овде е подобро, но овде има многу негативно, само што не е толку ставено во преден план. Зошто, тогаш да сес работи во Германија? – вели Орхан, кој играл фудбал во Македонија, а откако малку ќе се одмори во татковината, повторно ќе размислува за работа во странство, но овој пат поблиску до дома, некаде на Балканот.
Како што додаде, многу луѓе работат во Хрватска и Црна Гора во текот на летната сезона.
– И луѓето се задоволни, позадоволни од мене во Германија. Работат од јуни до крајот на септември, а платата во Хрватска како што ми кажаа е 1000 евра. Добиваат и бесплатно сместување, оброци, а тие 1.000 евра остануваат чисти. Хрватска е убава, Дубровник, Сплит, Загреб се убави, имаш добра мерка и, ако имам прилика, можеби ќе се видиме некаде на хрватското приморје.
