“МАНЧЕСТЕР ЈУНАЈТЕД НЕ ФУНКЦИОНИРА“ – Колапс на системот, навивачите се бесни, а легендата на клубот порача: “Јунајтед стана гробишта на тренерите и играчите…“
На Манчестер Јунајтед едноставно не му оди и не му оди. Во Премиер лигата по седум кола се само на 10. место со девет бода заостанување зад градскиот ривал Манчестер Сити, а во вторникот на „Олд Трафорд“ го загуби натпреварот од Лигата на шампионите од Галатасарај (2:3).
Ерик тен Хаг е на удар на англиските медиуми, но има и такви кои истакнуваат дека Холанѓанецот едноставно е во лоша средина. Еден од нив е Гери Невил.
„Жал ми е за тренерот. Знам дека многу луѓе велат дека тој треба да работи многу подобро, но има многу проблеми во клубот со кои тренерите мораа да се справат во последните десет години. Додека овие прашања не се решат, ќе продолжиме да гледаме игри на Манчестер Јунајтед кои се под очекувањата, играчи кои играат под очекувањата. Манчестер Јунајтед стана гробишта за тренерите и играчите“, изјави Гери Невил за talkSPORT.
„Многу малку играчи се истакнаа во Манчестер Јунајтед. Сите беа одлични кога дојдоа во клубот, ги бараа други клубови, а во Јунајтед дојдоа само за да не одиграат на очекуваното ниво. Зошто се случува ова ? Затоа што не е коректно да се прифаќаат играчи како што се прифатени во Манчестер“, заклучи Гери Невил.
