Мајка се разбудила од врисоците на синот, а сега апелира до другите: Приклучоците за одвод може да бидат опасни
Многу родители не се ни свесни колку п риклучоци за одвод можат да бидат опасни за малите. Приказната за мајката на двегодишниот авантуристички Арчи можеби ќе не натера да почнеме да размислуваме и за тоа.
Медицинската сестра Ники Јуркуц на нејзината едукативна платформа Tiny Hearts Education ја сподели исповедта на мајка која во 4 часот наутро ја разбудиле криците на нејзиниот постар син кој истрчал во нејзината соба. Тој извикал дека неговиот помал брат Арчи бил во кадата и дека му треба брза помош.
„Не бев подготвена за сцената што ја најдов во бањата. Мојот двегодишен син беше облечен и во пелена во кадата. Повлечел стол до кадата и влегол во неа, а потоа го затворил одводот со затвора и ја отворил славината. Водата се прелеваше од кадата, а бањата се поплави“, се присетува таа.
Мајката вели дека најлошото е што момчето се обидело да излезе од кадата, но се изморило и се откажало.
„Тој беше на колена и практично веќе заспа во када. Да не се разбудеше нашиот постар син, можеше да се случи најлошото“, истакна таа.
Момчето било прегледано од лекари и било констатирано дека е добро. Таа сега стаила брава на вратата од бањата и го чува приклучокот за одвод надвор од дофат на децата.
“Има толку многу родители кои никогаш не би помислиле дека приклучоците за одвод може да бидат опасни. Повеќето од нив ги чуваат покрај кадата. Се надевам дека оваа приказна ќе биде поучна за другите родители”, заклучила таа.
Болничарот Јуркуц додаде дека се потребни само неколку инчи вода и 20 секунди за мало дете да се удави, а таа исто така апелираше до родителите да ги чуваат приклучоците за одвод на безбедно место.
