Меланија исчезна од семејната божиќна фотографија, но не недостасува само таа
Меланија Трамп отсуствувала на божиќната семејна фотографија , пренесуваат американските медиуми.
Оние кои ја видоа божиќната фотографија од семејството на Доналд Трамп ги чекаше изненадување , бидејќи отсуствуваше поранешната прва дама на САД, Меланија Трамп.
Фотографијата, која на социјалните мрежи ја сподели свршеницата на Доналд Трамп помладиот , Кимберли Гилфојл, го прикажува поранешниот американски претседател Доналд Трамп како насмеан и опкружен со повеќето негови деца – вклучувајќи го и 17-годишниот син Барон , кој го има со Меланија. Во семејниот портрет учествувал и таткото на Меланија, Виктор Кнаус.
Но затоа на фотографијата ја нема Меланија.
Нејзиниот претставник бил задоволен од одговорот дека „Меланија била на семејна работа во моментот кога била направена фотографијата“.
„Њујорк пост“ сепак откри дека Меланија (53) била со својата болна мајка Амалија Кнаус во болница кога се одвивала фотографирањето во замокот Мар-а-Лаго.
„Меланија отсекогаш била многу посветена на своето семејство“, изјави извор близок до поранешната прва дама на САД за Fox News Digital.
„Не треба да изненадува што таа го помина овој Божиќ со својата болна мајка.
Други членови на семејството Трамп кои беа на семејната фотографија беа Доналд Џуниор и Гилфојл, Иванка Трамп , нејзиниот сопруг Џаред Кушнер и нивните три деца, како и Тифани Трамп и нејзиниот сопруг Мајкл Булос.
Вториот син на Трамп Ерик и неговата сопруга Лара не учествуваа во фотографирањето.
Отсуството на поранешната прва дама доаѓа само неколку дена по извештаите дека Меланија планира да ги засили своите јавни настапи во 2024 година, бидејќи нејзиниот сопруг се обидува повторно да се кандидира за Белата куќа.
„Трамп и неговото семејство се толку сигурни дека тој повторно ќе биде претседател што упатените во Мар-а-Лаго велат дека тој склучил договор со Меланија за да ги засили дипломатските настапи од висок профил во 2024 година“, рече изворот.
Меланија сфаќа дека е дојдено време да се приклучи на редот на историските први дами и да остави свој белег во историјата… Таа се чувствува подобро подготвена за нејзината потенцијална улога по втор пат“.
Изворот додаде дека Меланија овојпат би можела да посвети повеќе време на кампањата на нејзиниот сопруг бидејќи Барон сега е тинејџер.
