„Меси отиде да види каде ќе живее доколку потпише договор од 540 милиони евра“
ЛИОНЕЛ МЕСИ ги налути шефовите на Пари Сен Жермен по патувањето во Саудиска Арабија. Неговото патување беше претставено како исполнување на договорна обврска со земјата чиј промотор е, но агентот на ФИФА Марко Кирдемир тврди дека има многу повеќе зад неговото заминување во Саудиска Арабија. Меси, тврди тој, отишол да провери каде би можел да живее доколку потпише за Ал Хилал.
Шпанска Марка наведува дека Кирдемир е во добри односи со претседателот на ПСЖ, Насер Ал-Хелаифи, но и со кралот на Саудиска Арабија, Салман бин Абдулазиз и дека ја знае фудбалската судбина на аргентинскиот напаѓач.
Кирдемир: Меси ќе дојде во Барселона дури по пензија
„Нема да се врати во Барселона, таму ќе оди само кога ќе се пензионира. Тој има понуда од 540 милиони евра од Ал Хилал, кралскиот клуб. Тој отпатува во Саудиска Арабија да се сретне со него, да види каде може во живо и ако добие поддршка од семејството, ќе игра во Саудиска Арабија“, сигурен е Кирдемир.
Целта на Саудиска Арабија е да ја добие организацијата на Мундијалот во 2030 година, но претходно да го засили националното првенство и со тоа да добие видливост. Кристијано Роналдо е веќе таму, а сега богатите сопственици на клубовите сакаат и други фудбалски великани.
Саудиска Арабија сака ѕвезди
Меси има понуда која ниту еден спортист досега ја нема добиено и поради неговото заминување во Саудиска Арабија ги затегна односите со ПСЖ. Клубот го суспендираше, а по суспензијата ќе може да одигра само уште три натпревари за него, по што, како што се тврди, ќе ја напушти Франција.
Во Саудиска Арабија се надеваат дека со него ќе пристигне и Серхио Рамос, а се надеваа и на Лука Модриќ. Марка пишува дека хрватскиот капитен имал понуда од Ал Наср, клубот во кој е Роналдо, но тој ја одбил.
