Мета ја прекинува апликацијата Messenger Lite на Android

Компанијата Мета одлучи да ја прекине апликацијата Messenger Lite наменета за уреди кои користат оперативен систем Андроид.

Messenger Lite се појави како „полесен“ начин за комуникација на платформата Messenger, но од 18 септември корисниците повеќе нема да можат да го користат.

Кога ќе се отвори апликацијата, ќе се појави инструкција за префрлување на апликацијата Messenger, а ни сега Lite не може да се преземе од Google Play и ја имаат само оние кои ја преземале порано.

Мета го потврди и исклучувањето на апликацијата.

„Почнувајќи од 21-ви август, луѓето кои користат Messenger Lite на Android се упатуваат на Messenger или FB Lite за да испраќаат и примаат пораки“, рече портпаролот на компанијата.

Најавата за исклучување на апликацијата Messenger Lite доаѓа во време на уште една голема промена за Messenger за Android. Претходно овој месец Мета објави дека од 28 септември Месинџер повеќе нема да може да се користи како стандардна СМС апликација на Андроид.