Метју Пери упатил две необични барања до асистентот неколку часа пред неговата смрт

Смртта на актерот Метју Пери продолжува да го привлекува вниманието на јавноста, а како што минуваат деновите се откриваат нови детали за последните часови од неговиот живот. Според TMZ, сега е познато дека актерот имал две необични барања кои му ги упатил на својот асистент само неколку часа пред неговата смрт.

Имено, откриено е дека Пери побарал еден од своите вработени да му купи нов iPhone и диоптриски очила. Помошникот отишол на шопинг и по два часа се вратил и го пронашол телото во џакузито .  

Како што пишуваат американските медиуми, асистентот најпрво се јавил на мајката на Пери, потоа на еден од неговите браќа и на една жена која не е поврзана со актерот.

Причината за смртта се уште не е позната
Потсетиме дека службите за итни случаи биле испратени во неговиот дом во Лос Анџелес во 16:07 часот во саботата. Лекарите се обиделе да го спасат додека се уште бил во џакузи, но обидите да го оживеат биле неуспешни и на местото на настанот била констатирана смрт.

Можните причини за смртта во моментов се истражуваат , но не се сомневаат за кривично дело или консумирање нелегални наркотици. Сега се чека токсиколошки извештај, а резултатите од тој извештај се очекуваат дури за неколку недели од сега.

Тековните информации за статусот на причината за смртта на Пери наведуваат дека „се уште се чека бидејќи се чека дополнителна истрага“.