Министерот за национална одбрана на Романија, Тилвар, утре во посета на Северна Македонија
– Министерот за национална одбрана на Романија, Ангел Тилвар, утре ќе биде во официјална посета на Северна Македонија, соопшти Министерството за одбрана.
Министерот Тилвар ќе биде пречекан во Министерството за одбрана од страна на министерката Славјанка Петровска, каде по официјалната церемонија со највисоки воени почести ќе се реализира билатерална средба на двете делегации.
