Министерство за здравство: ВМРО-ДПМНЕ да не шири страв кај граѓаните за хеморагичната конго-треска
Министерството за здравство реагира на обвинувањата на ВМРО-ДПМНЕ преку кои партијата шири неизвесност и паника и кај граѓаните и кај здравствените работници.
Од таму велат дека здравствените установи брзо и професионално реагирале на појавата на хеморагичната треска .
„Министерството за здравство и сите здравствени установи брзо и професионално реагираа на појавата на треска. Секојдневно транспарентно ја информираме јавноста за состојбата со пациентите и за изолираните контакти кои се под медицински надзор. Лага е дека надлежните не ги преземаат сите мерки за спречување на ширење на инфекцијата и дека треската се шири. Нашите здравствени работници даваат се од себе за да им излезат во пресрет на пациентите“, се вели во одговорот на Министерството за здравство.
Од таму додаваат дека ВМРО-ДПМНЕ треба да престане да се обидува да шири страв меѓу граѓаните со празни и неосновани соопштенија. Тоа е неодговорно и ниско политичко манипулирање со чувствителни теми.
