Мирис кој го намалува стресот: зошто старите Египќани, Римјани и Грци го сметале рузмаринот за света билка

Лековитите растенија се дел од терапевтскиот арсенал за лекување на разни заболувања или за превенција на болести и за ослободување од благи заболувања. А дали знаевте дека постои растение кое е корисно за заштита на нашиот мозок. Поконкретно за подобрување на меморијата.

Според експертите, рузмаринот има способност не само да ја подобри меморијата, туку и да го ублажува стресот и да игра клучна улога во спречувањето на когнитивните нарушувања поврзани со стареењето. Што точно ја прави оваа билка потенцијален „противотров“ за распаѓањето на нашите умови?

Добрите страни на рузмаринот

– Старите Египќани, Римјани и Грци го сметале рузмаринот за свето растение и интензивно го користеле за да спречат ширење на болести. Иако оваа билка всушност не може да ги убие патогените во воздухот, таа е одличен лек за подобрување на функцијата на мозокот, вели Џош Акс, автор на студијата Античките лекови.

Една студија објавена во „International Journal of Neurology“ заклучи дека вдишувањето на аромата на рузмарин може да ја подобри концентрацијата и меморијата. Покрај тоа, студиите покажаа дека рузмаринот може да ја подобри когнитивната функција кај луѓето со Алцхајмерова болест.

Вдишувањето на мирисот на рузмарин може да го намали и нивото на кортизол, хормонот на стресот, благодарение на присуството на розмарин киселина, соединение со невропротективни својства.

Рузмаринот не е само добар за подобрување на меморијата, туку има и голем број други здравствени придобивки. Неговите биоактивни соединенија и фитохемикалии не само што ги зајакнуваат когнитивните функции, туку поседуваат и антивоспалителни, антиоксидантни, антимикробни и антипролиферативни својства.

Користете умерено

Постојат различни начини да го внесете рузмаринот во вашата дневна рутина, од негово користење во кулинарски јадења до подготовка на инфузии или инхалации за да уживате во неговата пријатна арома. Иако рузмаринот нуди широк спектар на придобивки кога станува збор за меморијата и општото здравје, од клучно значење е да се запамети дека умереноста е од суштинско значење.

Прекумерното консумирање може да доведе до несакани ефекти како што се стомачни грчеви и гастроентеритис.

Клучот лежи во свесното користење на оваа билка во вашата секојдневна исхрана, користејќи ги нејзините придобивки без претерување.