МИСЛЕЛА ДЕКА СЕ ДОПИШУВА СО ТУРСКИ АКТЕР: Хрватката од Пула таквата наивност ја чинеше 10.000 евра, изјави дека тој и ветувал љубов

Полицијата во Пула истражува случај на измама со 49-годишна жена, која била оштетена за неколку илјади евра.

Преку апликација на социјална мрежа жената запознала маж кој и се претставил како турски актер и извесно време се допишувала со него. Откако мажот ја добил нејзината доверба, побарал од неа да му плати пари, ветувајќи и љубов. Оштетената му исплатила повеќе од 10.000 евра на неколку сметки во периодот од 6 декември минатата година до 25 јануари годинава, а сфатила дека била измамена кога ФБИ наводно ја контактирал од лажна имејл адреса, со барање за натамошна исплата на средства и настанот го пријавила во полиција.

За да се избегнат вакви настани, ПУ на Истра ги предупредува граѓаните да бидат внимателни при комуникацијата на социјалните мрежи и страниците за запознавање. Измамниците бараат жртви на Интернет и за да добијат незаконски финансиски придобивки користат различни методи на измама, па дури и изразуваат љубов.

– Сторителите на таканаречената романтична измама преку комуникација изразуваат силни чувства кон жртвата, а откако ќе ја добијат нејзината доверба бараат пари, подароци или податоци за банкарска картичка. Тие исто така може да побараат жртвата да и испрати интимни фотографии или видеа. Полицијата ги предупредува граѓаните да бидат внимателни и да не споделуваат со непознати лица материјал кој би можел да ги компромитира и кој сторителот би можел да го искористи за уцена – велат од полицијата, кои објавија и информативен леток за овој вид на криминал.