Мистеријата на долговечноста: Зошто жените живеат подолго од мажите?

Истражувањата и статистиките јасно покажуваат дека жените во просек живеат меѓу шест и пол до седум години подолго од мажите

Ако внимателно ја набљудувате вашата околина, веројатно ќе забележите многу баби кои ги надживеале своите мажи. Просечниот животен век на жените е 79 години, додека кај мажите е нешто пократок и изнесува 73 години. Експертите спровеле истражување за да откријат зошто животниот век на жените е речиси десет години подолг во споредба со мажите, а дошле до неколку клучни причини.

Естроген

Естрогенот игра клучна улога во одржување на здрави крвни садови, нивно проширување и подобрување на функцијата на ендотелните клетки. Ова го намалува ризикот од атеросклероза, главната причина за срцеви заболувања. Естрогенот, исто така, има корисен ефект врз нивото на холестерол, го намалува лошиот ЛДЛ холестерол и го зголемува добриот ХДЛ холестерол. Покрај тоа, антиинфламаторните својства на естрогенот го намалуваат воспалението во крвните садови, што го намалува ризикот од хронични кардиоваскуларни заболувања.

Помалку ризични работни места и екстремни спортови

Мажите често развиваат лоши навики како што се пушење, консумирање алкохол, употреба на дрога и брза храна. Исто така, учествуваат во поризични работи и практикуваат екстремни спортови, што го зголемува ризикот од хронични заболувања. Овие однесувања, заедно со поголем ризик од несреќи и повреди, може значително да го скратат животниот век на мажите.

Поздрава исхрана и вежбање

Жените често имаат клучна улога во подготовката на храната и се трудат да обезбедат разновидна и здрава исхрана. Исто така, тие посветуваат повеќе внимание на вежбањето, кое придонесува за одржување на мускулите и коските, зајакнување на срцето, контрола на тежината и општото здравје.

Редовни медицински прегледи

Жените покажуваат поголема тенденција да посетуваат лекар редовно во споредба со мажите, кои често ги игнорираат симптомите или го одложуваат барањето лекарска помош. Кога конечно одат на лекар, мажите често помалку ги следат препораките на лекарот отколку жените.

Овие клучни разлики меѓу половите укажуваат на комплексен сет на фактори кои влијаат на долговечноста , комбинирајќи ги биолошките, социјалните и факторите на животниот стил.