Мицкоски: Нема да има 2/3 за уставните измени, Македонија ќе се реформира по изборите
„Нема да има 2/3“ и ако по изборите има иста ситуација како Бугарија, „ќе ја реформираме Македонија“, рече претседателот на ВМРО-ДПМНЕ, Христијан Мицкоски .
Тој изјави дека нивните позиции нема да се помрднат ни милиметар.
„И ние нема да мрднеме од нашите позиции ниту еден милиметар. Не бараме нешто што не ни припаѓа, што не е европска вредност и да се почитуваат нашите права. Не барам нешто – на пример, премногу барам“, рече Мицкоски.
Тој го коментираше предлогот на претседателот на Демократската унија за интеграција, Али Ахмети, каде повика на обединување на албанските партии и Социјалдемократскиот сојуз на Македонија под капата на „Европскиот фронт“.
Мицкоски рече дека доколку се случи оваа коалиција ќе имаат 10 пратеници помалку од ВМРО-ДПМНЕ.
„Разликата ќе биде минус 10 пратеници во корист на ВМРО-ДПМНЕ. Ова се базира на анализи, анкети… Еве 10 пратеници помалку разлика. СДСМ ќе има 25 пратеници помалку“, рече Мицкоски.
