Мицкоски: Штетата што ја предизвика еден од нашите поранешни министри, кој преговараше за нашиот идентитет, ќе биде запаметена

Премиерот Христијан Мицкоски изјави дека никогаш нема да преговара за македонскиот идентитет и јазик, како што направи еден поранешен министер и’ предизвика голема штета на Македонија.

„Никогаш нема да си дозволам да преговарам за нешто што знам дека претставува огромен проблем и фрустрација за македонските граѓани, за албанските граѓани, за турските граѓани, за сите оние граѓани во Македонија кои се составен дел од Уставот.“

За жал, еден министер го направи ова во минатото, преговараше за мојот македонски идентитет и направи грешка, а ако мислите дека ќе го заборавиме ова, лажете. Ќе бараме начин, ќе изградиме доверба и ќе го решиме ова, без разлика дали оваа генерација или следната ќе го реши, тоа ќе остане во колективното сеќавање каква штета тој човек му нанесе на македонскиот идентитет и на македонскиот народ“, рече Мицкоски, одговарајќи на новинарско прашање во врска со ставот на Владата за уставните измени пред посетата на високата претставничка на ЕУ за надворешни работи и безбедносна политика, Каја Калас.

Според Мицкоски, штетата предизвикана од минатите преговори ја одведе земјата од шампион во регионот, па дури и во Европа, во ситуација каде што сè уште не е во можност да започне преговори со ЕУ.