Москва повторно предупредува: “Русија се приближува до нуклеарен конфликт со САД поради поддршката на Вашингтон за Украина!“
Владимир Јермаков, првиот човек на Министерството за надворешни работи на Русија задолжен за неширење на нуклеарното оружје, изјави за руската медиумска агенција ТАСС дека Вашингтон се движи кон ескалација и ризикува нуклеарна војна со своето однесување кон Кремљ, пишува Daily Mail.
Daily Mail додава дека ова е уште една во низата закани за нуклеарна војна од страна на руски претставници.
Владимир Јермаков вели дека ризиците од директна воена конфронтација меѓу двете нуклеарни сили постојано се зголемуваат, бидејќи тој и изјавил на руската државна медиумска агенција дека Русија може да се повлече од Договорот за нуклеарни сили со среден дострел – СТАРТ.
Daily Mail објави дека од почетокот на инвазијата на рускиот претседател Владимир Путин на Украина пред 14 месеци, Москва објавува редовни обвинувања против САД и како што го нарекува „колективниот Запад“ за подигнување на ризикот од нуклеарна војна, реторика со цел да го одврати Киев од сојузниците кои му пружат воена помош.
„Ако Соединетите Американски Држави продолжат да го следат својот сегашен курс на конфронтација со Русија, при што влогот постојано ескалира на работ на лизгање во директен вооружен конфликт, тогаш судбината на СТАРТ (Договорот за нуклеарно оружје) може да биде однапред завршен заклучок“, изјавил тој.
Инаку, договорот СТАРТ ги обврза Русија и САД редовно да комуницираат за статусот на нивните нуклеарни арсенали, кои Москва ги наследи од Советскиот Сојуз, а кои за време на пандемијата со вирусот Ковид-19 не беа подложени на постојани инспекции и контроли од страна на САД.
Суспендирањето на договорот доведе до стравувања од обнова на трката за нуклеарно вооружување меѓу светските суперсили вооружени со нуклеарно оружје.
Весникот додава дека Владимир Јермаков не навел детали за наводниот американски конфронтациски пристап во досега објавените извадоци од интервјуто за ТАСС.
Тој додал дека Москва ќе го зголеми дострелот на американските ракети, кои според него се способни да стигнат до азиско-пацифичкиот регион, како и до Европа.
