Мохамед Салах на излезна врата од Ливерпул: Пристигна понуда од Франција – половина милион неделно! (фото/видео)

Сензационална вест доаѓа од Франција – Париз Сент Жермен планира да го донесе Мохамед Салах со тригодишен договор вреден 500.000 евра неделно.

Нема сомнеж дека Салах ќе биде еден од најбараните играчи на пазарот на лето и дека гигантите ќе сакаат да го доведат во своите редови.

Тој потврди дека сака да ја освои Премиер лигата и дека тоа е неговата главна желба оваа година, но и дека неговата ера во Ливерпул ќе заврши по истекот на договорот.

– Ова ми е последна година во Ливерпул – изјави Салах, а подоцна на прашањето дали има некакви преговори, истакна дека во моментов нема напредок.

– Нема ништо, нема напредок, далеку сме – беше неговиот одговор за новиот договор.

Но, според протечените извештаи, ПСЖ е подготвен да понуди огромни 72 милиони евра за три години, што е многу подарежливо од понудата на Ливерпул, кој наводно му нуди на Египќанецот двегодишен договор со плата од 400.000 евра неделно.

Славниот напаѓач, кој има 32 години, оваа сезона е во фантастична форма – на 26 натпревари во сите натпреварувања постигна 20 гола и забележа 17 асистенции.