Навивачите на БАРСЕЛОНА ВО ТРАНС! Чави зборувал за Меси, па откри се – Го сакаме Лео тука, нека одлучи, ништо не е сменето!

Во изминатите неколку недели интензивно се зборуваше за враќање на Лионел Меси во Барселона, а бидејќи се знае дека Аргентинецот наскоро ќе ги напушти редовите на парижаните, ваквото сценарио не е нималку невозможно.

Навивачите на каталонскиот клуб би сакале Меси повторно да го облече дресот на Барселона, а сега за целата ситуација проговори тренерот на шпанскиот великан, Чави.

“Лео Меси ќе ја донесе својата одлука следната недела, но тој сака да дојде кај нас. Тој знае дека сме подготвени да го пречекаме, ништо не е сменето и имаме свои шанси. Го сакаме Лео тука, нека одлучи. Подготвен сум да го вклучам него во системот“, изјави Чави за Мундо Депортиво.

Да потсетиме, тренерот на Пари Сен Жермен, Кристоф Галтие вчера изјави дека фудбалерот Лионел Меси ќе го напушти клубот по крајот на сезоната .

Меси својот последен натпревар за Пари Сен Жермен ќе го одигра в сабота од 21 часот против Клермон.