“НАВИСТИНА МИ НЕДОСТИГА…“ – Трогателна исповед на вдовицата на Синиша Михајловиќ: “Знаете ли што правеше една недела пред смртта ?“
Помина една година откако не напушти Синиша Михајловиќ, поранешен репрезентативец на Југославија и Србија и еден од најдобрите изведувачи на слободни удари во историјата на фудбалот.
Неговата сопруга Аријана реши да сподели неколку реплики за легендарниот фудбалер кој почина на 16. декември 2022 година.
„На почетокот беше страшно. Го чувствував неговото отсуство низ целата куќа… Тогаш решив дека нема да се откажам“, ги пренесуваат српските медиуми изјавите на Аријана во интервју за италијанскиот магазин Chi.
„Некои ме видоа како пијам аперитив, а имаше и такви кои ме осудуваа поради начинот на кој се облекувам. Нека ме судат, не ми е гајле. Имам брат кој боледува од депресија, па и самата се загрижив да не паднам во таква состојба. Морав да почнам од почеток, Синиша така ќе сакаше. Навистина ми недостига, ми фали како воздух“, изјавила таа и додала: „Поминав речиси четири години по болници. Мојот сопруг имаше две трансплантации на коскена срж и се радуваше на секој тест што ќе помине добро. Една недела пред да умре, истрча десет километри, а јас треба да се скршам и да паднам во депресија ? Не. Синиша беше роден борец, храбро се држеше до последен момент. Го загуби само последното коло, токму кога сите мислевме дека го добил натпреварот и се ќе биде во ред. Семејството беше покрај него, не се разделувавме, доживеа дури и да стане дедо...“
Синиша Михајловиќ имаше големи планови да ја продолжи тренерската кариера:
„Го организираше животот до крај. Тој планираше да ги посети Конте и Де Зерби во Лондон за да разменат искуства. За жал, тој не успеа во тоа“, открива таа.
Децата исто така тешко ја поднесуваа загубата на нивниот татко:
„Вики е најстарата, но и најкревка. Чувствуваше посебна љубов кон него. Може да каже: ‘Никогаш нема да најдам момче како татко ми’. Вирџинија стана мајка, се омажи за момче кое е фудбалер, играјќи во Џенова. Душан ми е заштитник, стана како татко: исто се облекува, исти се, а боксот му го намалува притисокот. Николас е најмладиот, миленикот“.
Тие најчесто летуваа во вила во Порто Черво на Сардинија:
„Ова лето беше многу тажно. Ја отворив вратата и му ги видов чевлите, комбинезонот, облеката… Куќата уште мириса на пурата што ја пушел на терасата. Понекогаш пиеше и лозова ракија. Го почувствував неговото присуство, како да седеше на креветот до мене. Како навистина да е таму“, ги сподели спомените за Аријана за споменатиот магазин.
