НАНИЖАНИ ПОБЕДИ ВО КИЕВ, ХАРКОВ И КЕРСОН! Столтенберг тврди дека Украина е на чекор од НАТО

Вратите на НАТО и на Европската унија се повеќе се отвораат за членство на Украина.

Зборовите на Столтенберг за „стратешкиот пораз“ на Русија во војната против Украина укажуваат на претстојните промени во глобалната безбедносна динамика . Додека Русија верува дека успешно ја спроведува својата воена тактика, западните земји продолжуваат вербално да ја поддржуваат Украина.

Столтенберг за германските медиуми изјави дека рускиот претседател Владимир Путин не успеал да ја спречи Украина да се приближи кон Европа.

– Путин сака Европа во која Русија може да доминира со своите соседи. Но, Украина сега е поблиску од кога било до НАТО и Европската унија. Ова е голем стратешки пораз за Русија – изјави тој за германската новинска агенција ДПА.

– Претседателот Путин засекогаш ја загуби Украина. Покрај тоа, Русија загуби стотици авиони, илјадници тенкови, а 300.000 војници беа убиени или ранети –  рече тој.

Столтенберг ја истакна моменталната ситуација на Украина, во споредба со нејзините перспективи во првите денови од руската инвазија, од февруари 2022 година.

– Кога Русија ја нападна Украина во февруари 2022 година, повеќето експерти стравуваа дека Русите ќе ја преземат контролата врз Киев за неколку дена, вклучително и експерти од НАТО. Оттогаш Украинците успеаја да ослободат 50 отсто од територијата окупирана од Русите – рече тој.

– Украинците добија големи битки во Киев, Харков и Керсон – ова се извонредни воени победи. „Украина се етаблира како суверена, независна држава и во тој процес и предизвика големи загуби на Русија “, рече Столтенберг.

Западните земји ќе продолжат да ја поддржуваат Украина, тврди шефот на НАТО, кој на оваа позиција е веќе 10 години.