Напаѓачот од Париз на списокот на радикални екстремисти: Бил во затвор и му биле дијагностицирани психијатриски нарушувања

Синоќа убил германски турист, а со чекан нападнал уште две лица

Француската полиција уапси радикален 25-годишен екстремист кој синоќа во Париз уби германски турист и рани уште две лица .

По апсењето, тој изјави дека го извршил нападот затоа што бил загрижен „за страдањата на муслиманите, особено во Авганистан и на палестинските територии“, со обвинение дека Франција е соучесник во тоа, објави францускиот министер за внатрешни работи Жералд Дарманин денес.

• Оваа личност беше подготвена да убие уште луѓе – рече Дарманин за време на прес-конференцијата.

Напаѓачот помина четири години во затвор и беше ослободен во 2020 година, по што беше под надзор и на психијатриско лекување.

Како што пишува Ле Монд, тој е роден во Франција во 1997 година од родители Иранци, со кои живее во Есон.

Домашната разузнавачка служба (DGSI) го уапси во 2016 година за планирање напад во Ла Дефенс.

Осуден е на пет години затвор, од кои една година условно, а по издржувањето на казната е ослободен во 2020 година. Тој е ставен под судски надзор.

Тој бил склон кон радикален екстремизам и имал психијатриски нарушувања поради кои бил подложен на психијатриски третман во текот на неговиот притвор и по неговото ослободување.