Напитоци кои не треба да ги консумираме доколку патиме од висок крвен притисок

Високиот крвен притисок или хипертензијата е тивка, подмолна болест која може да не покажува никакви симптоми со години. Само кога се манифестираат оштетувања на различни органи, најчесто на срцето, мозокот, бубрезите или очите, се забележуваат високи вредности на крвниот притисок, известува Хрватскиот завод за јавно здравје .

Високиот крвен притисок може да не покажува симптоми со години. Но, понекогаш многу рано, пациентите со покачен крвен притисок чувствуваат некои од симптомите на хипертензија, како што се болка и притисок во главата, црвенило на лицето, замор, конфузија, гадење, прекумерно потење, возбуда, палпитации, зуење во ушите, крварење од носот и визуелни нарушувања.

Според податоците, речиси една третина од возрасната популација има висок крвен притисок. Оваа сериозна состојба значително го зголемува ризикот од големи срцеви заболувања, мозочен удар и болести на бубрезите. Нашата исхрана исто така игра голема улога во одржувањето на балансирано ниво на крвен притисок, а како што објаснуваат диететичарите, постојат одредени пијалоци кои треба да ги избегнуваме доколку имаме висок крвен притисок. Овие се:

• Алкохолни пијалоци
• енергетски пијалоци
• газирани сокови
• кафе
• засладени сокови.