Насилство во средно училиште во Србија: Професор и ученик се степале на час поради телефон (ВИДЕО)
Инцидентот што се случи во понеделникот во Техничкото, технолошкото и земјоделското училиште „Деспот Ѓураѓ“ во Смедерево денеска излезе во јавноста. Откако професор се обидел да му го одземе телефонот на ученикот, тие се степале на час.
На видеото снимено од ученик од истото одделение се гледа дека професорот го зема телефонот од ученикот на оваа гимназија и се враќа на столот. Меѓутоа, ученикот го повлекува назад и го турка, поради што тинејџерот паднал на масата.
„Борењето“ продолжило и во следните неколку секунди, професорот бил видно изнервиран од однесувањето на ученикот кој упорно се обидувал да му го грабне телефонот што му го одзел. Откако ученикот успеал да си го врати телефонот, тој уште еднаш го турнал професорот кон таблата, а тој на крајот ја напуштил училницата и го напуштил часот по математика што не можел да го заврши.
На видеото се слуша и смеа од класот.
Судирот меѓу перофесорот и ученикот од училиштето го оценија како трет степен на насилство, што е таканаречен црвен, највисок степен на насилство.
Според Миладин Виторовиќ, директор на училиштето од Смедерево, овој инцидент се случил во понеделникот на 27 февруари. Тој додаде дека бил информиран дека причина за расправијата е телефонот.
