Најголемиот светски производител на чипови TSMC гради втора фабрика во Јапонија

Најголемиот светски производител на чипови, тајванскиот TSMC, соопшти дека ќе изгради втора фабрика за полупроводници во Јапонија за да ја задоволи растечката побарувачка на клиентите.

Јапонската компанија JASM, која е во мнозинска сопственост на TSMC, планира да започне со изградба на нова фабрика за чипови до крајот на 2024 година, а објектот треба да започне со работа до 2027 година, јавува CNN (CNN).

Првата фабрика за полупроводници TSMC во Јапонија ќе биде пуштена во употреба до крајот на оваа година, а вкупната вредност на овие инвестиции ќе надмине 20 милијарди долари.

Проектот беше „силно поддржан од Владата на Јапонија“, како и од компаниите Toyota Motor и Sony, се додава во соопштението на TSMC.

Тајванскиот TSMC произведува околу 90 отсто од напредните светски полупроводници и ги снабдува глобалните технолошки гиганти како Apple или Nvidia.