Најскапиот кинески автомобил – тежок над три тони, сега е достапен и на слободниот пазар

Се нарекува и „кинески Ролс-Ројс“.

Веќе пишувавме за луксузниот седан Honqi L5 , последен пат беше пред неколку месеци кога на кинескиот пазар беше претставен моделот од новата генерација.

Станува збор за патен крстосувач со импресивни димензии, првично наменет за високи функционери на Комунистичката партија на Кина, но сега се нуди и на слободниот пазар.

А кога станува збор за големината, во овој случај тоа значи дури шест метри во должина и речиси 2,1 метар во ширина. За споредба, тој е дури 411 mm подолг од Mercedes-Maybach, но сепак има само четири седишта.

Позициониран како најпрестижниот модел на марката (подолу се сериите H и K), неговиот дизајн се базира на иконата CA770, државна лимузина со децениско искуство.

Се одликува со карактеристичен преден дел со тркалезни фарови и вертикална решетка, природно изработена од хром со висок сјај.

На материјалот не се заштедило, па автомобилот завршил тежок над 3.150 килограми. На задната страна има печат, напишан со ракопис на Мао Це Тунг.

Под хаубата е 4.0 V8 мотор со околу 400 КС, а се произведува во групата FAW.

Забрзувањето нема да ве импресионира, што не е невообичаено кога ќе ги погледнете информациите за тежината на возилото, но затоа седанот може да достигне максимални 220 km/h.

И конечно цената. На слободниот пазар е околу 5.000.000 јуани или околу 680.000 долари.