Најскапите ресторани во светот со Мишелин ѕвезди! Во нив се блеска од луксуз, а цените се астрономски
На објавената листа на најскапи светски ресторани со Мишелин ѕвезди во 2024 година, прва е јапонската Гинза Фукују во Токио, со рекордна цена на оброк од 2130 долари.
Во најскапите ресторани во светот, кои се крунисани со ѕвезди на Мишелин , се служи квалитетна храна од најскапите состојки – од тартуфи и кавијар до специјални видови ракови и морски плодови.
Новиот извештај ги рангираше најскапите ресторани во светот со Мишелин ѕвезди за 2024 година, гледајќи ги цените на нивните најскапи менија за дегустација, кои користат врвни сезонски состојки.
Оброк од 2000 евра
Ѕвездата на Мишелин е глобално признат знак за кулинарска извонредност, доделена на ресторани кои користат најдобри состојки, најиновативни техники и нудат беспрекорна услуга.
Но, оброкот во рестораните кои се крунисани со оваа ѕвезда обично има висока цена.
Најскапиот оброк во 2024 година бил послужен во ресторанот Ginza Kitafuku во Токио. Цената на менито во овој престижен ресторан со Мишелин ѕвезди е 2.130 УСД (2.000 евра) по лице.
Интересно е што во сезонското мени е вклучено јадењето „Кивами“ направено од посебен вид бел рак. Овој тип на рак е редок и ексклузивен и познат по своето слатко и нежно месо и е фатен само на брегот на Ечизен, регион северно од Кјото.
Уживање во сите сетила
На второ место беше ресторанот Ultraviolet Paul Pairet од Шангај, каде јадењето е вистинско театарско искуство кое вклучува импресивни видео прикази. Ова искуство со повеќе сетила на тајна локација комбинира иновативни и изненадувачки јадења со светла, звуци и мириси. Нивното врвно мени чини 1.230 долари (1.200 евра) по лице и вклучува шампањ и вино.
Следен на листата е Caviar Russe од Њујорк со своето Гранд мени за дегустација, по цена од 975 долари (945 евра) по лице.
Менито кое содржи 11 јадења содржи различни видови премиум кавијар, пренесува Cntraveler.
