Најстарите сијамски близнаци во светот: Лекарите рекоа дека нема да преживеат повеќе од 24 часа, но судбината имала други планови (фото)

Рони (Роналд Ли) и Дони (Доналд Ли) Галион беа најстарите споени близнаци во светот, како што е напишано во Гинисовата книга на рекордите за 2009 година, а во 2014 година ги претекнаа браќата Ченг и Енга Банкер, кои дотогаш беа сијамски со најдолг животен век.

За жал, Рони и Дони починаа во 2020 година поради срцеви компликации.

Инаку, нивната приказна започнува во 1951 година, а лекарите предвидувале дека нема да живеат повеќе од 24 часа по раѓањето. Тие се родени во Охајо, а нивната мајка Ајлин не очекувала близнаци. Овие близнаци биле споени во карлицата и го делеле дигестивниот тракт, а првите две години од животот ги поминале во болница, а потоа им било кажано дека е невозможно безбедно да се разделат. За жал, локалните училишта сметаа дека близнаците премногу го одвлекуваат вниманието, па никогаш не се образувале и останале функционално неписмени.

Во семејството имало 9 деца, па нивниот татко Весли смислил како да заработи – ги носел на саеми како циркуска атракција Тие ја обиколиле цела Северна и Латинска Америка, како и Канада. Тие турнеи ги направија познати, а семејството имаше многу пари.

По 30 години во забавната индустрија, близнаците се пензионираа во 1991 година и успеаја да го купат својот прв независен стан во Дејтон, Охајо. Тие беа активни во заедницата и живееја повеќе или помалку нормален живот, барем онолку колку што им дозволуваа двојните инвалидски колички. Иако се пензионирас од шоу-бизнисот, тие повремено се појавуваа на телевизија – беа со Џери Спрингер, во документарен филм на Дискавери и Канал 5.

Во 2009 година, Рони доби смртоносна инфекција на белите дробови која набрзо им се закануваше на двата близнаци. По хоспитализацијата им била потребна постојана нега од нивниот помлад брат Џим и неговата сопруга Мери, кои живееле во истиот град, не можеле да ги однесат во нивниот дом бидејќи немал рампа и други неопходни работи за правилно да се грижат за нив. Сепак, почнаа донации и волонтирање и успеаја да ја претворат својата куќа во соодветен дом за браќата. Во 2010 година, Discovery’s TLC објави документарен филм кој ја раскажа нивната приказна.

„Тие се едно тело, но две многу различни луѓе“, рече Џим.

Тие починаа на 4 јули 2020 година во Дејтон. Имаа 69 години.