“НАЈУБАВАТА ВЕЛИГДЕНСКА ЗАЈЧИЦА“ – Супер-моделот од Германија позираше топлес и потсети зошто е една од најзгодните жени во светот (фото)

Познатата манекенка Хајди Клум ја разбуди фантазијата кај нејзините обожаватели со својата нова велигденска фотографија објавена на социјалните мрежи.

Хајди ставила зајачки уши на главата, се соблекла топлес и заводливо позирала пред камерата. Таа со фотографијата се пофали на својот Инстаграм профил и доби бројни комплименти во коментарите под објавата.

Германскиот супермодел испрати бакнеж со усните, ги покри голите гради со рацете и уживаше покрај базенот. Таа со своите обожаватели сподели и каква била потрагата по велигденските јајца на нејзините деца. Клум нормално нема проблем да позира гола, па неодамна таа и нејзиниот сопруг Том Каулиц целосно голи ја прославија четвртата годишнина од бракот.

49-годишната се најде на насловната страна на магазинот Vouge заедно со 33-годишниот рокер, со кого се венчаа во 2019 година, по помалку од една година врска, а Клум постојано го нарекуваше својот партнер како „љубовта на мојот живот“. Свадбената церемонија се одржа во Калифорнија, а потоа со семејството и пријателите ја повторија церемонијата во Италија.

Хајди има четири деца: 18-годишната Лени, 17-годишниот Хенри, 16-годишниот Јохан и 13-годишната Лу. Најстарото дете го има со бизнисменот Флави Бријаторе, а другите три со пејачот Сил.