Најубавата европска плажа е во Грција: Посебно внимание привлече и хрватската плажа Бање (Фото и Видео)
Најубавата плажа во Европа за 2025 година се наоѓа во Грција, на полуостровот Касандра во регионот Халкидики.
Плажата Гларокавос ја доби оваа титула по гласањето на туристи од целиот свет на натпревар организиран од меѓународната организација „Европски најдобри дестинации“.
Гларокавос се наоѓа во истоимената лагуна и често се нарекува „Сино Езеро“ поради тиркизното море опкружено со борови шуми, а неговата недопрена природа и богатството од културни атракции во областа ги освоија бројните посетители.
Плитката лагуна ја прави оваа плажа идеална за семејства, но и за ентузијасти за кајакарење и веслање. Додека едниот дел е опремен со лежалки и туристички содржини, другиот дел се смета за потивко подрачје кое овозможува целосна поврзаност со природата.
Меѓу десетте најубави европски плажи за 2025 година, покрај Гларокавос, се најдоа и дестинации како Кала Брандичи и Кала Луна во Италија, Кала Прегонда и Плаја де Лос Муертос во Шпанија, Гале Фонтањас во Португалија и Асос во Грција.
Плажата Бање во Дубровник привлече посебно внимание, рангирајќи се на осмото место на листата. Оваа плажа е позната по својот уникатен поглед на Дубровник и нуди идеална комбинација од природна убавина и урбана динамика, што ја прави омилено место и за локалното население и за туристите.
Подолу е комплетната листа на најубавите европски плажи за оваа година според European Best Destinations:
- Плажа Гларокавос, Грција,
- Кала Брандичи, Италија,
- Кала Луна, Италија,
- Плажа Ла Пелоса, Италија
- Плаја де Лос Муертос, Шпанија,
- Плажа Асос, Грција,
- Плажа Бање, Хрватска,
- Плажа Гулпијури, Шпанија.
