НЕВЕРОЈАТНА СЦЕНА ВО АВСТРАЛИЈА: Милиони мртви риби лебдат во реката, водата не се гледа од мртвите животни

Жителите на австралискиот регионален град Менинди пронашле милиони мртви риби во нивната река, а државните власти тврдат дека тоа е резултат на постојаниот топлотен бран, јавува денеска Би-би-си.

Локалните жители велат дека тоа е најголемото убивање на риби што го погодило градот, кој доживеа уште едно значително масовно изумирање пред само три години.

Во објава на Фејсбук, Одделот за примарни индустрии на Нов Јужен Велс (DPI) рече дека топлотниот бран ставил „дополнителен стрес на системот што доживеа екстремни услови поради големи поплави“.

Топлотните бранови станаа почести, поинтензивни и траат подолго поради климатските промени предизвикани од човечкиот фактор.

Планетата веќе се загреа за околу 1,1 степени Целзиусови од почетокот на индустриската ера, а температурите ќе продолжат да растат доколку владите ширум светот не направат радикално намалување на емисиите.