НЕВРЕМЕТО ДОЈДЕ И ВО МАКЕДОНИЈА – Силен дожд, ветер и грмотевици го зафатија Скопје и околината
Силен дожд, ветер и грмотевици попладнево го зафатија Скопје и скопската котлина.
Управата за хидрометеоролошки работи (УХМР) предупредува дека невреме со интензивен дожд за кратко време, силен ветер, поинтензивни електрични празнења и услови за појава на град ќе има и во ноќните часови.
Можно е, како што велат од УХМР, да дојде до поројни истекувања на помалите водотеци и суводолици и до несакани излевања на водите, кои би можеле да предизвикаат локални проблеми како на крајбрежјето, така и на патната инфраструктура. На одредени места можна е и појава на свлечишта и одрони.
Од УХМР препорачуваат внимателно движење, особено покрај реките и суводолиците, поради можна појава на опасни води и свлечишта.
