НЕМА КРАЈ НА ПРОБЛЕМИТЕ ВО СЕМЕЈСТВОТО НА ЏО БАЈДЕН – Хантер Бајден одбил да се изјасни за виновен: Против него е поднесена сериозна кривична пријава
Хантер Бајден, синот на претседателот на Соединетите Американски Држави (САД), Џо Бајден, беше обвинет во четвртокот по неуспешните обиди да се изјасни за виновен во замена за условна казна.
Ова е прво гонење на дете на актуелен претседател на САД.
Тој е обвинет во Окружниот суд во Делавер за три кривични дела за поседување оружје додека бил зависник од дрога.
Комисиите во Претставничкиот дом под контрола на републиканците, исто така, со месеци ги истражуваат неговите деловни активности, особено во Кина и Украина.
Хантер Бајден работел како лобист, адвокат, инвестициски банкар и уметник. Јавно зборувал за неговата борба против зависноста од дрога, особено кокаинот. Признал и дека пиел многу алкохол. Во 2014 година, тој бил отпуштен од морнаричкиот резерват поради кокаин.
Тој никогаш не бил на функција во Белата куќа, а не бил ниту дел од кампањата на неговиот татко.
Претседателот Џо Бајден тврди дека не разговара за надворешни работи со својот син и дека Министерството за правда на САД ќе има независност во истрагата за кој било член на неговото семејство.
Хантер Бајден, меѓу другото, беше и член на управниот одбор на украинската енергетска компанија Burisma.
Новоименуваниот специјален обвинител во случајот против Хантер Бајден е јавниот обвинител на Делавер, Дејвид Вајс.
Во јуни, Хантер Бајден беше обвинет за две помали прекршоци – неплаќање повеќе од 100.000 долари данок на приходи од над 1,5 милиони долари во 2017 и 2018 година.
Се очекуваше тој да се изјасни за виновен откако постигна договор со обвинителите кои планираа да предложат двегодишна условна казна, но судијката Марјелен Нореика изрази сомнеж за спогодбата за признавање вина и неговите услови, како и за друг договор што би му овозможил да избегне кривично гонење во случај на поседување оружје.
Тоа значеше дека истрагата и судењето треба да продолжат.
Републиканците во Конгресот ја зголемуваат можноста за импичмент на Џо Бајден поради деловните зделки на неговиот син и го обвинуваат Министерството за правда дека го олеснува поволниот договор за Хантер Бајден.
Министерот за правда Мерик Гарланд ги отфрли обвиненијата и на крајот назначи специјален обвинител за случајот – Дејвид Вајс.
Експертот за правда Мајкл Џеј О’Нил, сепак, е скептичен за непристрасноста на Дејвид Вајс.
„Ова е човек кој беше подготвен да му даде убав договор на синот на претседателот, па како може да биде непристрасен и објективно да го истражи ова како специјален истражител ? Мораме да имаме на ум која е целта на специјалниот истражител е некој навидум надвор од Владата, надвор од Министерството за правда, кој има нов поглед на фактите“, вели Мајкл Џеј О’Нил.
