Ненадејно починало 14-годишно момче од Битолско: Mу се слошило на роденденска прослава

Во атарот на битолското село Крстоар, вчера попладне ненадејно починало 14-годишно момче, пишува Фокус.

Според информациите, осмоодделенецот од ОУ „Коле Канински“ во Битола наводно бил гостин на роденденска прослава кај свое другарче и попладнето во еден момент додека си играле на ливадата, во близина на Крстоарски манастир, му се слошило и паднал на земја.

Веднаш била повика итна медицинска помош.

„Вчера во 16.45 часот во СВР Битола, од Итна медицинска помош било пријавено дека околу 15.30 часот во атар на село Крстоар, Битолско, на малолетник од Битола му се слошило и паднал по што бил пренесен во Клиничка болница – Битола, каде што лекар констатирал смрт без траги на насилство“ – информираат од полицијата.

Полицијата извршила увид на лице место, а по наредба на јавен обвинител, телото на починатото момче е дадено на обдукција, со цел да се утврди причината за смртта.