Ненад Коциќ: “Токму во време на СДСМ надлежни институции го отворија и го расчистуваат случајот Онкологија“
После 20 години шепотење и непреземање ништо, токму во време на СДСМ надлежни институции го отворија и го расчистуваат случајот Онкологија.
Основното јавно обвинителство постапува и презема мерки во својата надлежност врз база на веќе обезбедени докази од страна на МВР во изминатите неколку месеци.
Тоа е правилно, законски, одговорно.
За жал, и во овој скандалозен случај Онкологија се потврдија нечесните намери на ДПМНЕ. Се она што го кажа ДПМНЕ излезе неточно за овој случај. Чиста лага.
ДПННЕ треба да собере храброст и да им се извини на граѓаните за сите лаги и манипулации.
Два месеци ДПМНЕ ја злоупотребуваше работата на Анкетната комисијата.
Се викаа сведоци, се трошеа пари на граѓаните, се злоупотребуваше македонското Собрание, сееја лаги и на крај, пропадна работата на Анкетната комисија.
Имаше денови кога ДПМНЕ буквално бегаше од одржување седница на комисијата и со денови не се свикуваше седница.
На крај, анкетната не даде никаков резултат, а поради манипулациите и злоупотребите на ДПМНЕ не се усвоија никакви заклучоци.
Иако СДСМ имаше издржани, реални заклучоци кои повикуваа на одговорност и постапување на надлежното јавно обвинителство.
Се потврди она што од самиот почеток го говоревме, дека намерата на ДПМНЕ беше да ја опструира истрагата на надлежните институции и да ја злоупотребува во политички цели.
Но и во тоа не успеа. Случајот е пред целосно расчистување.
Сите инволвирани во овој скандалозен случај ќе сносат одговорност, ќе биде расчистено се и до крај, благодарение на одговорниот пристап на СДСМ.
Прес-конференција, Ненад Коциќ, пратеник на СДСМ
СООПШТЕНИЕ – Центар за комуникации со јавноста на СДСМ
„Во Центар“ (www.vocentar.com) овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
