Нетанјаху одбива да одговори дали ќе ја преземе одговорноста за нападите на 7 октомври
Израелскиот премиер Бенјамин Нетанјаху одби да одговори дали ќе ја преземе одговорноста за неуспехот да го спречи нападот на Хамас врз Израел на 7 октомври, велејќи дека ќе има време за такви „тешки“ прашања по завршувањето на војната.
Нетанјаху во интервју за Си-Ен-Ен призна дека тоа е „прашање што треба да се постави“, пренесува Телеграфи.
„И ние ќе одговориме на сите овие прашања“, инсистираше тој, додавајќи: „Засега, мислам дека она што треба да направиме е да ја обединиме земјата за една цел; да постигнеме победа“.
„Да се фокусираме на победата – тоа е моја одговорност сега“.
Нетанјаху инаку беше под притисок затоа што не го предвидел најсмртоносниот напад од основањето на Израел, кога вооружени лица на Хамас убиле повеќе од 1.200 луѓе и земале повеќе од 200 заложници, според израелските власти.
И на протестот во саботата, семејствата на заложниците го повикаа Нетанјаху и владата да направат повеќе за да го обезбедат нивното ослободување.
На прашањето за повоените планови на Израел за Газа, израелскиот премиер Бенјамин Нетанјаху се чини дека ја отфрли можноста за предавање на контролата на Палестинската управа (ПА), велејќи дека организацијата не успеала да ја „демилитаризира“ и „дерадикализира“ Газа во минатото.
