“НЕ Е ПОСТИГНАТ ДОГОВОР“ – Белата куќа се огласи по повод гласините за наводен прекин на огнот во Појасот Газа

Белата куќа негираше дека е постигнат договор за ослободување на заложниците од Појасот Газа во замена за петдневна пауза во борбите.

Портпаролот на Белата куќа соопшти дека и Израел и Хамас не постигнале договор за привремен прекин на огнот, додавајќи дека САД продолжуваат да работат на постигнување договор.

Друг, неименуван американски функционер исто така потврди дека нема договор.

Претходно, медиумите во саботата објавија, повикувајќи се на луѓе запознаени со ова, дека Израел, САД и Хамас постигнале договор за ослободување на неколку десетици жени и деца од Појасот Газа, кои беа киднапирани на 7. октомври.

„Ослободувањето на заложниците би можело да започне во следните неколку дена, освен ако во последен момент не дојде до ќорсокак“, се додава за медиумите. 

Според наводниот договор, двете страни ќе ги прекинат борбените операции на најмалку пет дена, додека 50 или повеќе заложници ќе бидат ослободени во групи на секои 24 часа, според извештаите на медиумите. 

Хамас киднапираше најмалку 240 луѓе на 7. октомври за време на упадот во јужен Израел во кој загинаа 1.200 луѓе.

Премиерот на Израел, Бенјамин Нетанјаху на прес-конференција во саботата вечерта порача дека во врска со заложниците има многу неосновани гласини и неточни извештаи.

„Сакам да бидам јасен – не е постигнат договор. Но, ветувам дека кога ќе треба нешто да се каже, ќе ве информираме за тоа“, им кажа Бенјамин Нетанјаху на новинарите.