Не постои лек за оваа состојба на кожата, но еве како да ја контролирате

Розацеа е кожна состојба која предизвикува црвенило на лицето, а може да предизвика и проширени капилари и мали „грутки“ исполнети со гној. Симптомите може да се развијат со недели и месеци, а потоа да исчезнат некое време.

Розацеа може да се помеша со акни, дерматитис или други кожни заболувања.

Не постои лек за розацеа, но со помош на лекови и одредени терапии можете да го контролирате нејзиниот развој.

Симптомите на розацеа вклучуваат:

Црвенило. Со текот на времето, може да забележите дека вашето лице станува црвено. Во зависност од тонот на вашата кожа, црвенилото може да биде суптилно или да изгледа повеќе розево или виолетово.

Видливи капилари. Малите капилари на носот и образите пукаат и стануваат поголеми.

Отечени „грутки “. Многу луѓе со розацеа имаат проблем со „испакнатините“ кои изгледаат како акни и овие испакнатини понекогаш содржат гној. Може да се појават и на градите и грбот.

Чувство на печење. Областите на кожата погодени од розацеа можат да бидат исклучително чувствителни.

Проблеми со очите. Многу луѓе со розацеа имаат и суви, иритирани, отечени очи и очни капаци. Ова е познато како окуларна розацеа. Симптомите на очите може да се појават пред, после или во исто време со симптомите на кожата.

Зголемен нос. Со текот на времето, розацеата може да ја згусне кожата на носот, правејќи го носот да изгледа поголем и е почеста кај мажите отколку кај жените.

Кога да се оди на лекар?

Ако имате постојани симптоми, посетете дерматолог за дијагноза и третман, велат од клиниката Мајо.