НОВИ ДЕТАЛИ ЗА МАСАКАРОТ ВО БЕЛГРАД – Објавен токсиколошки тест за детето убиец – познато дали бил под дејство на психоактиви!; Полицијата пронашла пет пиштоли во станот на таткото

Како што објавуваат српските медиуми, претходниот ден од страна на медицински обвластени лица во Србија бил извршен токсиколошки тест за да се утврди дали „детето чудовиште“ – Коста К., бил под дејство на психоактивни супстанци кога го извршил масакрот.

Резултатот од токсиколошкиот тест е негативен, објавуваат соседните медиуми а ова го потврдила и адвокатката Ирина Боровиќ.

Коста К. (13 г.) кој уби осум ученици и чувар во основното училиште каде што учи, активно вежбал airsoft – игра за возрасни во која се носат реплики на вистинско оружје, но не користат муниција, туку топки исполнети со воздух. Меѓу моделите за овој спорт се и калашникови, пушки и снајперисти.

Оружничката Ана Симоновиќ за српскиот весник Telegraf.rs објаснила дека момчето на тренинг по airsoft го донел неговиот татко, а заедно ја вежбале „анти-стрес играта“ која нема старосна граница, како и играта „пејнтбол“. Ана Симоновиќ истакнала дека според неа нема недостаток во Законот за поседување оружје и муниција, напротив, таа смета дека законот е престрог.

Како што дознава Telegraf.rs, полицијата пронашла дури пет пиштоли во сефот на истакнатиот радиолог односно таткото на детето во станот од кои Коста донел два пиштоли во училиштето и го извршил крвавиот чин.