НОВИ ПРОБЛЕМИ ЗА КРЕМЉ !? Западот конечно дозна преку која земја стигнува оружјето до Владимир Путин: “Тоа се руски сателити, ќе бидат ставени на црната листа!“
И покрај западните санкции, Русија успева да најде канали да ги заобиколи и да набави воена опрема за да ја продолжи војната во Украина. Меѓу земјите кои најмногу ги користи Кремљ се издвојува Киргистан, пишува американскиот дневен весник Washington Post (WP).
Кинеските дронови и германската електроника стигнуваат до руската војска и покрај меѓународните забрани и казни за прекршување. На почетокот на мај, кинеските дронови, означени како „машини за бришење прашина“ што се користат на големи фарми, биле запрени на границата меѓу Казахстан и Киргистан. Тоа било последната етапа од нивното патување, а нарачателот била руска компанија, која на крајот била открина.
Станува збор за дронови кои можат да носат 30 килограми и да летаат на добра висина, истурајќи течни хемикалии. Која требало да биде нивната крајна цел, не може да се потврди со сигурност, но фактот што биле стопирани се смета за голем и позитивен знак во борбата за спроведување на санкциите. Имено, ваквата стока почесто ја минува границата отколку што се запира, пишува Washington Post.
Свртувањето кон поранешните советски сателити е практика на која Руската Федерација се сврте во обид да добие забранета, но многу потребна стока. Тоа се земји кои традиционално се финансиски и културно ориентирани кон Москва. Во исто време, тие се тесно поврзани со Европа и Кина. Промената е особено забележлива во Киргистан, земја сведок на големо проширување на увозните и извозните компании, а ова за весникот Washington Post го потврдиле и американските претставници кои го набљудуваат регионот, како и растечкиот профит на овие компании. Побарувачката е голема за сè, од беспилотни летала и делови за авиони до делови за бомби, сите стоки што Русија не може легално да ги набави на друго место.
Ова е причината зошто американски и европски дипломати го посетија Бишкек во последните месеци, а администрацијата на Џо Бајден подготвува мерки за притисок врз Киргистан да ја запре трговијата, пишува весникот. Меѓу нив ќе има ставање на црна листа на компании или директни санкции, а објава се очекува можеби веќе оваа недела.
