НОВ СВЕТСКИ ПОРЕДОК !? Сергеј Лавров од Турција порача кој е главниот услов за крај на војната: “Сите преговори мора да се засноваат на…“
Министерот за надворешни работи на Руската Федерација, Сергеј Лавров, за време на неговата посета на Турција порача дека сите мировни преговори за Украина мора да ги земат предвид руските интереси и да бидат насочени кон создавање „нов светски поредок“.
„Сите преговори мора да се заснова на почитување на руските интереси и мора да се однесуваат на принципите на кои ќе се заснова новиот светски поредок“, изјавил Лавров, додавајќи дека – „Русија се противи на униполарен свет предводен од еден хегемон“.
Во четвртокот Сергеј Лавров пристигна во турската престолнина, каде што беше домаќин на турскиот министер за надворешни работи Мевлут Чавушоглу, со кого разговараше и за извозот на жито од пристаништата на Црното Море.
Во средината на март Русија и Украина постигнаа договор за обновување на договорот, кој прв пат го склучија во јули минатата година со помош на Турција и Обединетите Нации.
„Доколку нема понатамошен напредок во отстранувањето на бариерите за извоз на руско ѓубриво и жито, ќе размислиме дали овој договор е неопходен“, потенцираше Лавров, предвидувајќи дека Русија ќе почне да дејствува надвор од договорот доколку западните земји продолжат да ги одржуваат санкциите наметнати кон нив.
Како што објасни, рускиот извоз на жито и ѓубрива е погоден од недостигот на пристап до осигурување и системот за размена на финансиски податоци SWIFT. Тој ги повика европските земји кои, според него, тврдат дека имаат вишок украински жито, дел од нив да донираат на сиромашните земји.
За време на продолжувањето на договорот, турскиот претседател Реџеп Таип Ердоган порача дека од примената на договорот, 800 бродови извезле 25 милиони тони жито од пристаништата на Црното Море. Нема консензус меѓу Киев и Москва дали да се продолжи важноста на договорот за 60 или 120 дена.
Чавушоглу кажа дека Турција е загрижена за потенцијалната ескалација на борбите во Украина оваа пролет, истовремено тврдејќи дека Турција ќе продолжи да бара преговарачки крај на војната.
