Оваа мајка од досада решила да направи ДНК тест и открила шокантната вистина – следувала драма достојна за филм

Семејство од Солт Лејк Сити за забава одлучило да направи ДНК тест за да дознае повеќе за нивното наследство, кога шест недели подоцна ги добиле резултатите се увериле дека дошло до грешка бидејќи според нив најмладиот син не бил нивни, објави магазинот The Mirror.

Дона Џонсон (47 г.) и нејзиниот сопруг Ванер (47 г.) со двата сина, Ванер Џуниор (18 г.) и Тимом (12 г.), се тестирале од љубопитност и останале во шок. Според резултатите, Ванер бил татко на нивниот постар син, но не и помладиот, чиј татко се вели дека е непознат. Дона Џонсон се обидела да разбере што значи таков резултат споредувајќи го нивниот тест со други искуства на Интернет, а набрзо дознала дека имало грешка во клиниката за ИВФ.

Ванер и Дона се запознале во средно училиште и се венчале во 2003 година. По раѓањето на нивниот прв син, проблеми со хернијата и операција предизвикале потешкотии што го оневозможија парот да забремени по природен пат. Тие го направиле првиот круг на ИВФ во 2007 година користејќи ги јајце клетките на Дона и спермата на Ванер.

Првиот обид бил неуспешен, но неколку месеци подоцна среќата им послужила. Во август 2008 година се родил нивниот син Тим, но тие веднаш забележале дека момчињата изгледаат поинаку, но ништо не им било сомнително. Џуниор како и неговиот татко, имал сини очи и светла коса, додека Тим имал темна коса како неговата мајка и бил повеќе спортски тип од неговиот брат.

Откако дознале, семејството почнало да се прашува кој е биолошкиот татко на Тим и дали може да им го одземе детето. Адвокатот успеал да ги убеди дека ќе останат негови законски родители, но на Дона и било тешко да гледа како нејзиниот сопруг страда. Не се однесувал поинаку околу синот, иако бил во шок. Дона набргу паднала во депресија и имала проблеми да се фокусира на својата работа како учителка.

Адвокатот му помогнал на парот да ја преброди шокантната вест и тие се согласиле да му ја кажат вистината на Тим кога тој ќе наполни 12 години. Во октомври 2020 година, Ванер го извадил Тим на сладолед за да му каже дека тој не е неговиот биолошки татко. По враќањето, мајка му го прегрнала и му кажала колку многу го сака.

Таа кажала дека момчето многу зрело се справувало со знаењето, како и неговиот постар брат. Неколку недели подоцна, тој им кажал на своите родители дека сака да го најде својот биолошки татко. Ја почитувале неговата одлука, но истовремено биле загрижени што може да се случи. Тие користеле ДНК тест од друга компанија за да откријат жена за која мислеле дека е биолошката тетка на Тим.

Наскоро пронашле блог напишан од нејзиниот брат Девин Мекнил, кој живеел во Колорадо, осум часа од семејството. Го добиле неговиот број иако знаеле дека тоа е повик кој ќе ги промени животите на сите. Тие го повикале Девин во март 2021 година и тој се согласи да направи ДНК тест.

Тестот потврдил дека Девин е татко на Тим, како и татко на неговиот најстар син Талон, што значи дека примероците не биле заменети, туку некако истиот примерок бил користен и за двајцата. Излегува дека паровите биле во иста клиника во ист ден пред 14 години, Дона отишла на вадење јајце клетка, а сопругата на Девин, Кели, отишла на имплантација на ембрион.

Двете семејства се сретнале во јуни 2021 година. Пред да заминат, Ванер го прашал Тим дали сака да се фотографира со Девин, на што момчето одговорило дека ги сака двајцата негови татковци на фотографијата.

Семејствата продолжиле да одржуваат контакт со видео повици и пораки и се сретнале неколку пати лично.