Оваа храна е најлоша за здравјето на срцето, избегнувајте да ја консумирате

Кардиоваскуларните заболувања (КВБ) се болести на срцето и крвните садови, најчесто предизвикани од атеросклероза, односно промени, оштетувања и наслаги на ѕидовите на артериите.

Сите болести на срцето, васкуларните заболувања на мозокот и болестите на крвните садови на мозокот припаѓаат на кардиоваскуларни заболувања. Најчестите кардиоваскуларни болести вклучуваат коронарна срцева болест (на пр. срцев удар) и цереброваскуларни болести (на пр. мозочен удар).

Контролирањето на факторите на ризик како што се исхраната, физичката активност, употребата на тутунски производи и контролата на крвниот притисок може да го намали ризикот од кардиоваскуларни болести.

Иако многу фактори можат да предизвикаат проблеми со срцето, исхраната исто така игра значајна улога. Затоа, лекарите и научниците открија неколку видови на храна кои имаат најлош ефект врз здравјето на срцето.

Пржена храна

Јадењето пржена храна може да го зголеми нивото на крвниот притисок, да го намали ХДЛ „добриот“ холестерол и да предизвика дебелеење, а сето тоа може да го зголеми ризикот од срцеви заболувања. Студијата објавена во 2021 година покажа дека јадењето пржена храна може да го зголеми ризикот од сериозни срцеви заболувања и мозочен удар.

Рафинирани јаглехидрати

Рафинираните јаглехидрати се храна која поминала низ производствен процес кој го отстранува најголемиот дел од нивната хранлива вредност. На храната која поминала низ овој процес и недостасуваат влакна, витамини, минерали и полифеноли.

Рафинираните јаглехидрати, кои се наоѓаат во белиот леб и слично, немаат апсолутно никакви влакна и други хранливи материи, што доведува до зголемување на телесната тежина и зголемен ризик од дијабетес и срцеви заболувања.

Преработена храна

Јадењето преработена храна, која е богата со сол и шеќер, може да биде штетно за нашето кардиоваскуларно здравје. Преработеното месо е најлошата храна за нашето срце. Дополнително, студија од 2021 година открила врска помеѓу поголем внес на преработена храна и сериозни кардиоваскуларни болести.

Слатка храна

Редовното консумирање слатка храна со текот на времето може да доведе до ризик од срцеви заболувања. Студија од 2023 година покажа дека премногу шеќер може да биде штетно за срцето. Затоа, треба да избегнуваме слатка храна и пијалоци, како колачи, слатки и газирани сокови, бидејќи тие можат да придонесат за дебелина и да му наштетат на здравјето на нашето срце.