Ова е човекот осомничен за убиство на поранешната сопруга во Крагуевац: Прво ѝ праќал заканувачки пораки, а потоа ја бодел со нож додека не умрела! (фото)

Б.Р. (38), осомничен дека денес ја избодел со нож во лицето својата поранешна сопруга Б.С. (41), е познат на полицијата и судските органи, а според неофицијални информации, тој бил осудуван во минатото.

Утрово во населбата Кориќани во Крагуевац се случи грозоморно злосторство, а тело на жена беше пронајдено на нива покрај автомобил.

– Откако неколку пати ја избодел Б.С во стомакот, градите и грбот, човекот си го пресекол гркланот со намера да се самоубие. Сепак, тој бил жив транспортиран во УКЦ Крагуевац. Неговите повреди се сериозни, но не и фатални – вели извор за српскиот портал Курир.

Патем, убиената жена претходно го пријавувала во полицијата на Б.Р, поради што му била изречена итна забрана за приближување.

– Таа пријави дека тој ѝ праќал заканувачки пораки – потсетува изворот.

Истрагата ќе го утврди мотивот за злосторството. На местото на злосторството можеа да се видат вознемирувачки сцени. Паркиран син автомобил и локва крв до него. Несреќната жена немала никакви шанси да преживее.

– Ја избоде френетично, имаше околу 10 убодни рани по телото… Сигурна сум дека се обидела да се одбрани, но тој е поголем, не можела да му се спротивстави – вели соседката. 

Нејзиниот брат, исто така, денес дојде на местото на убиството на жената. Тој, видливо вознемирен, рече „дека осомничениот го објавил злосторството“. 

Увидот на лице место го извршија обвинителот на Вишото јавно обвинителство во Крагуевац и припадници на полицијата.